İnstaqram-da artıq bunu edə bilməyəcəksiniz

Meta-nın məşhur sosial media platforması Instagram cinsi şantaj fırıldaqları ilə mübarizə aparmaq üçün yeni təhlükəsizlik funksiyalarını təqdim edib. 

News24.az The Washington Times-a istinadən xəbər verir ki, xüsusilə gənc istifadəçilərin qorunması üçün hazırlanmış bu xüsusiyyətlər platformanın məxfiliyini və təhlükəsizlik tədbirlərini artırır.

İnstaqram-ın təqdim etdiyi ən mühüm yeniləmələrdən biri hekayələrdə paylaşılan məzmunun ekran görüntülərinin çəkilməsinə mane olan xüsusiyyət olub.

Bu yeniləmə istifadəçilərin məxfiliyini yaxşılaşdırır, xüsusən də itirilmiş hekayələrin daimi təhlükəyə məruz qalmasının qarşısını alır.

TechCrunch-a görə, bu xüsusiyyət Snapchat-dan daha təkmil təhlükəsizlik təmin edir, hansı ki, skrinşot çəkilən zaman istifadəçini xəbərdar edir. Belə ki, məzmunun zərərli insanlar tərəfindən istifadəsini çətinləşdirir.

Bundan əlavə, Instagram-ın yoxa çıxan hekayələrə veb-brauzerlər vasitəsilə girişi bloklaması bu məzmunların saxlanma ehtimalını azaldır.

Günel Məlikzadə