Neymar 369 gündən sonra meydana QAYITDI

Məşhur braziliyalı futbolçu Neymar uzun sürən zədəsindən sonra meydana qayıdıb.

Səudiyyə Ərəbistanının "Əl Hilal" komandasında çıxış edən ulduz AFC Çempionlar Liqasının Elit Qərb Qrupunun 3-cü həftəsində səfərdə Birləşmiş Ərəb Əmirliklərinin "Əl Ain" komandası ilə qarşılaşıb. 

News24.az xəbər verir ki, məşqçi Xorxe Xesusun idarə etdiyi "Əl Hilal" qarşılaşmada 5:4 hesabı ilə qalib gələrək xallarını 9-a yüksəldib.

32 yaşlı Neymar 2023-cü il oktyabrın 18-də DÇ-2026-nın Cənubi Amerika seçmə mərhələsində Uruqvaya qarşı Braziliya ilə oyunda zədələnib. Neymarın sol dizinin ön çarpaz bağında yırtıq aşkarlanıb və o, uzun müddət meydandan kənarda qalıb. Neymar müalicəsini başa vurub və yenidən məşqə qoşulub. Bu mövsüm AFC Çempionlar Liqasında ilk oyununu keçirib.

Günel Məlikzadə