Polis Akademiyasının əməkdaşları məktəblərdə - FOTOLAR

Təbliğat-təşviqat işlərini uğurla davam etdirən Polis Akademiyası əməkdaşları Bakı şəhərinin müxtəlif məktəbləri, habelə  respublikamızın Tərtər, İsmayıllı, Bərdə, Qaradağ, Kürdəmir və Neftçala rayonlarındakı məktəb müəllimləri, IX-X-XI sinif şagirdləri və onların valideynləri ilə bir sıra görüşlər keçirib. Bu tədbirlərdə DİN-in Polis Akademiyasının əməkdaşları ilə yanaşı müvafiq rayon polis şöbə və bölmələrinin məsul işçiləri də iştirak ediblər.

Ən ucqar kəndlərdə belə təhsil alan şagirdlərlə görüşən Polis Akademiyasının əməkdaşları görüş iştirakçıları ilə Polis Akademiyasının tarixi, daxili işlər orqanlarında xidmətin şərəfliliyi,  eləcə də  yeniyetmələrdə vətənpərvərlik hissinin daha da yüksəldilməsi istiqamətində söhbətlər aparıblar və Akademiyada yaradılmış imkandan bütün vətəndaşların yararlana biləcəyi barədə görüş iştirakçılarına məlumat veriblər.

 Daha sonra ali təhsil almaq arzusunda olan məktəblilərə 100 illik şanlı tarixə malik təhsil müəssisəmizdə həyata keçirilən təlim-tədris prosesi, xüsusi təyinatlı ali təhsil müəssisəsi olan Polis Akademiyasında ali hüquq təhsili almağın üstünlükləri və Akademiyaya qəbul qaydaları barədə ətraflı məlumat verilib. 

Həmçinin iştirakçılara Akademiyanın fəaliyyətini özündə əks etdirən  yeni hazırlanmış videoçarx nümayiş etdirilib, lifletlər paylanılıb və şagirdlərin sualları cavablandırılıb.