Futbol tarixinin gördüyü ən yaxşı 5 forvard - SİYAHI

Dünya futbolunun müxtəlif dövrlərinə damğa vurub, vurduğu qollarla adını silinməzlər arasına yazdıran çox sayıda hücumçu var. Onlardan bəziləri sadəcə bitirici funksiyasını yerinə yetirsə də, bir çoxu qol yaradıcılığı və texnika baxımından digər cinah futbolçularından heç də geri qalmayıb.

News24.az Yenisabah.az-a istinadla futbol dünyasının yetişdiyi ən güclü 5 hücumçunu təqdim edir:

5. Raul Qonzales

Bir zamanlar “Real Madrid”in və İspaniya millisinin hücum xəttinin əvəzolunmaz forvardı olan Raul Qonzales indiyədək ən yaxşı hücumçulardan hesab olunur. “El Matador” ləqəbli futbolçu “kral klubu”nda çıxış etdiyi 16 mövsümdə 741 oyuna çıxıb, 323 qol vurub. Raul “Real”ın heyətində 6 İspaniya “La Liqa”sı və 3 Çempionlar Liqası kuboku qazanıb.

4.  Robert Levandovski

“Barselona” klubunun polşalı “qol maşını” Robert Levandovski futbol tarixinin ən məhsuldar forvardlarından biridir. Hazırda karyasını davam etdirən 36 yaşlı hücumçu “Borussiya Dortmund”, “Bavariya” kimi klubların heyətində çıxdığı 652 matçda 524 qol vurmağı bacarıb. Levandovski 2 dəfə Avropanın ən yaxşı bombardirlərinə verilən “Qızıl buts” mükafatına layiq görülüb.

3. Zlatan İbrahimoviç

Bosniya əsilli isveçli hücumçu Zlatan İbrahimoviç uca boyu və atletik bədən quruluşu ilə müdafiəçilərin qarşısını almaqda ən çox çətinlik çəkdiyi hücumçulardan biridir. Meydanda özündənrazı duruşu və akrobatik keçidləri ilə yadda qalan İbrahimoviç dünyanın ən yaxşılarından biri kimi qəbul olunur. Oynadığı 708 peşəkar oyunda 451 qol vuran forvard karyerası boyunca “Ayaks”, “Yuventus”, “İnter”, “Barselona”, “Milan” və “PSJ” və “Mançester Yunayted” kimi nəhəng klubların əsas qol silahı olmağı bacarıb.

2. Ronaldo Nazariyo

Braziliyanın dünya futboluna bəxş etdiyi ən yaxşı futbolçulardan hesab olunan Ronaldo Nazariyo bir zamanların ən mükəmməl hücumçusu idi. Karyerası boyunca 2 dəfə “Qızıl Top” mükafatına layiq görülən forvard “Barselona”, “Real Madrid”, “Milan” və “İnter” kimi klublarda bombardir olmağı bacarıb. 

1. Luis Suares

90 dəqiqəlik oyun vaxtının hər dəqiqəsində qol vurmağı bacaran yeganə hücumçu olan Luis Suares futbol tarixinin gördüyü ən yaxşı forvarddır. Bir çox futbol mütəxəssislərinə görə, Suares bu dünyaya sadəcə hücumçu olmaq üçün gəlib. Oynadığı klublarda “tək başına komanda” kimi oynayan hücumçu karyerası boyunca çıxdığı 665 oyunda 400 qol və 210 məhsuldar ötürmə edib. Luis Suares Messi və Ronaldonun ən pik vaxtlarında belə 2 dəfə “Qızıl buts” qazanmağı bacarıb.