"Neftçi" baş məşqçisi ilə yollarını ayırdı

“Neftçi” basketbol klubu baş məşqçisi Anar Sarıyevlə yollarını ayırıb.

News24.az xəbər verir ki, məlumatı klubun mətbuat xidməti yayıb. 

Mütəxəssis Azərbaycanın U-18 millisinin baş məşqçisi və kişilərdən ibarət yığmanın köməkçi məşqçisi kimi işlərinin çoxluğunu əsas gətirərək, öz qərarı ilə postunu tərk edib.

“Neftçi” İdman Klubu Anar Sarıyevə komandadakı fəaliyyətinə görə minnətdarlığını bildirib və ona gələcək işlərində uğurlar diləyib.

Artıq bakılıların yeni baş məşqçisi də məlum olub. "Neftçi" iranlı Omid Movahed Nejat ilə razılıq əldə edib. Mütəxəssis mövsümün sonunadək “ağ-qaralar”a rəhbərlik edəcək. 

O.Nejat daha əvvəl də “Neftçi”də işləyib. O, 2022-2023-cü illər mövsümünün ikinci yarısında komandaya başçılıq edib.