Rayonlarda şimşək çaxıb, leysan olub

İyunun 30-u gündüzdən iyulun 1-i səhərədək ölkə ərazisində qeyri-sabit hava şəraiti davam edib, şimşək çaxıb, arabir yağış yağıb, bəzi yerlərdə leysan olub, Daşkəsən rayonuna dolu düşüb. 

Ekologoya və Təbii Sərvətlər Nazirliyinin Milli Hidrometeorologiya Departamentindən News24.az-a verilən məlumata görə, Qərb küləyi əsib, ayrı-ayrı yerlərdə güclənib. Yağış: Xaltan, Qrızda 37 mm (aylıq normanın 41 %-i), İsmayıllıda 34 mm, Göyçayda 24 mm (aylıq normanın 53 %-i), Qəbələdə 18 mm (aylıq normanın 16 %-i), Şamaxıda 18 mm (aylıq normanın 29 %-i), Xaçmazda 17 mm (aylıq normanın 93 %-i), Astarada 16 mm (aylıq normanın 35 %-i), Altıağacda 14 mm, Daşkəsən, Qusar, Sarıbaşda 13 mm, Lerik, Ağsu, Yevlaxda 11 mm, Kişçay (Şəki), Lənkəranda 10 mm, Xınalıq, Mərəzə, Ağdam, Gədəbəydə 9 mm, Şabran, Yardımlıda 8 mm, Zaqatala, Tərtərdə 6 mm, Şahdağda və Şəkidə 5 mm, Ağdərə (Ordubad), Quba, Bərdədə 4 mm, Göygöl, Oğuzda 3 mm, Ağstafa, Gəncə, Naftalan, Tovuzda 2 mm, Şahbuz, Şəmkir, Balakən, Mingəçevir, İmişli, Sabirabad, Cəfərxan, Salyan, Qazıməmməd, Biləsuvar, Neftçala, Nabranda 0.5-1 mm olub. Dolu: 30 iyun 20:35-20:45 radələrində Daşkəsəndə diametri 12 mm olan dolu düşüb. Külək: Qərb küləyi Naftalanda 32 m/s, Mingəçevir, Gəncə, Ağstafa, Şahbuzda 20 m/s, Salyan, Ağdamda 18 m/s, Zərdabda 17 m/s, Neftçalada 15 m/s, Abşeron yarımadasında və Abşeron dəniz rayonunda 18-23 m/s, arabir 25-30 m/s-dək güclənib.

Neft Daşları stansiyasının məlumatına əsasən dalğanın hündürlüyü 5,8 metrə çatıb. Temperatur: İyunun 30-da Bakıda iqlim normasından 0,4 dərəcə aşağı olub, havanın maksimal temperaturu Bakıda və Abşeron yarımadasında 23-28, Aran rayonlarında 26-32, dağlıq rayonlarda 14-19, Naxçıvan MR-da 30-34 dərəcə isti təşkil edib.