İstanbulda metroda yanğın - VİDEO

İstanbulda saat 07.55 radələrində Yenikapı-Hacıosman metrosunun Yenikapı stansiyasında eskalatorun sıradan çıxması nəticəsində yanğın baş verib. Tüstü göründükdən sonra sərnişinlər təxliyə edilib və stansiya müvəqqəti olaraq xidmətə bağlanıb.

News24.az xəbər verir ki, məsələ ilə bağlı verilən açıqlamada bunlar qeyd edilib:

“M2 Yenikapı-Hacıosman Metro Xəttinin Yenikapı stansiyası müvəqqəti olaraq fəaliyyətə bağlanıb. Gedişlər Vezneciler-Hacıosman stansiyaları arasında həyata keçirilir".

Qeyd edək ki, yanğınsöndürmə briqadasının işi nəticəsində yanğının söndürüldüyü açıqlansa da, xidmətin nə vaxt normal vəziyyətə düşəcəyi ilə bağlı hələlik dəqiq məlumat paylaşılmayıb.

Günel Məlikzadə