Turp kimi olmaq üçün süfrənizdən əksik etməyin: Yarpaqları da şəfa mənbəyidir

Yeməli kök bitkisi olan turp, brokoli və gül kələmini də əhatə edən Brassicaceae ailəsindən gəlir. 

News24.az xəbər verir ki, sağlamlığa bir çox faydası olan turp 2500 il əvvəl Qədim Yunanlar və Romalılar tərəfindən həm qida maddəsi, həm də müalicəvi məqsədlər üçün istifadə edilib. Ayurveda və Ənənəvi Çin Təbabətində turp qızdırma, boğaz ağrısı, öd xəstəlikləri və infeksiyalar kimi sağlamlıq problemlərini müalicə etmək üçün istifadə edilib. 10 kiçik sürtgəcdən keçirilmiş qırmızı turp (1 kasa) istehlak etdiyiniz zaman cəmi 12 kalori istehlak edəcək və gündəlik lif ehtiyacınızın 25%-ni qarşılayacaqsınız. Turp yüksək miqdarda kalium ehtiva edir. Kalium ürək əzələsi də daxil olmaqla əzələlərin düzgün işləməsi üçün lazım olan mineraldır. Kifayət qədər miqdarda kalium qəbulu yüksək təzyiqə qarşı qoruyucu xüsusiyyətlərə malikdir. 1 kasa turp salatı istehlak etdikdə gündəlik folat ehtiyacınızın 7%-ni qarşılayırsınız.

Turp istehlak etməyin FAYDALARI

1. Tərkibindəki antioksidant birləşmələrlə xərçəngdən qorunmağa kömək edir.
2. Tərkibindəki kükürd birləşmələri sayəsində öd axını sürətləndirir. Məlumdur ki, kükürd birləşmələri qaraciyərin sağlamlığını qoruyur.
3. Öd ifrazına müsbət təsiri ilə həzmi asanlaşdırır.
4. Sidik ifrazını bir az sürətləndirir və ödem əleyhinə təsir göstərir.
5. Aşağı glisemik indeksə (qan şəkərini yavaş-yavaş yüksəldir) və yüksək lifə malik olduğu üçün diabet xəstələrinin asanlıqla istehlak edə biləcəyi tərəvəzdir.
6. Tərkibində yüksək lif olduğu və fitosterol ehtiva etdiyi üçün qanda xolesterini azaldan təsirə malikdir.
7. Tərkibindəki lif və qlükozinolat birləşmələri ilə xərçəngə, xüsusilə də kolon xərçənginə qarşı qorunma təmin etdiyi düşünülür.
8. Kalorisi az olduğu üçün pəhriz saxlayanlar üçün uyğundur.

YARPAĞI DA ÖZÜ KİMİ FAYDALIDIR

turp yarpaqları; Beta-karoten, C vitamini, E vitamini, B6 vitamini, B9 vitamini (folat) və kalsium mineralının yaxşı mənbəyidir. Tərkibindəki beta-karoten sayəsində göz və ağciyər sağlamlığını qorumağa kömək edir. Zəngin bir C vitamini mənbəyi olduğu üçün immunitet sistemini gücləndirməyə kömək edir. Həm də qocalmanı ləngidən təsirə malikdir. Tərkibindəki E vitamini ilə yaşa bağlı olaraq meydana gələn metal performansının (yaddaşın) azalması sürətini yavaşlatmağa kömək edir.

TURP YAPRAQLARINI NECƏ YEMƏK OLAR?

1. Şorbalara əlavə etməklə
2. Onu ispanaq kimi bişirməklə
3. Salatlara əlavə etməklə

Günel Məlikzadə