Səkini qoyub yolun ortasında dayanan kişi maşınların yolunu kəsdi - VİDEO

Özünü təhlükəyə atan piyadanın hərəkətləri kameraya düşüb. 

News24.az Avtosfer.az-a istinadla xəbər verir ki, hadisə paytaxtın Mikayıl Müşviq küçəsində qeydə alınıb.

Belə ki, yolun hərəkət hissəsində dayanan yaşlı kişi avtomobillərin hərəkətinə mane olub. Görüntünü qeydə alan sürücü dayanıb irad bildirərək yaxınlıqda keçidin olduğunu vurğulayıb. Lakin o, yolu keçmədiyini bildirib.

Videogörüntüdən də belə başa düşülür ki, həmin piyada orada dayanaraq kimisə gözləyir. Yolun kənarında kifayət qədər səkinin olmasına baxmayaraq, həmin piyada həm sürücülərə, həm də öz həyatına təhlükə yaradıb.

Təəssüf edici məqam burasındadır ki, həmin hərəkəti edən piyadanın kifayət qədər yaşı var. Azyaşlı birinin belə etməsini qəbul etmək olardı ki, yolda özünü aparmaqla bağlı bilgiləri yoxdur. Lakin yaşlı bir kişinin təhlükə yaratması və iraddan sonra yoldan kənara çıxmaması başa düşülən deyil.