Rəsmi Moskvadan Baydenə sərt reaksiya: “NATO-Rusiya müharibəsi olacaq”

ABŞ prezidenti Co Baydenin Ukraynaya Rusiya ərazisinə qarşı hücumlarda uzaqmənzilli ATACMS raketlərindən istifadə etmək icazəsi verməsi xəbəri Rusiyada və beynəlxalq ictimaiyyətdə geniş əks-səda doğurub.

News24.az xəbər verir ki, ABŞ administrasiyasından hələlik rəsmi təsdiq olmasa da, Rusiya prezidenti Vladimir Putinin bu məsələ ilə bağlı xəbərdarlığı növbəti dəfə gündəmə gəlib.

Putin sentyabrda deyib ki, Ukraynaya Qərb istehsalı olan uzaqmənzilli raketlərlə Rusiya ərazisini vurmağa icazə verilsə, Qərb birbaşa Rusiya ilə müharibə vəziyyətinə düşəcək.

Putin vurğulayıb ki, belə bir addım Kiyevə uzaqmənzilli raketlər tədarük edən ölkələri birbaşa müharibəyə cəlb edəcək, çünki peykdən hədəflənən məlumatlar və raketlərin uçuş marşrutlarının proqramlaşdırılması NATO hərbçiləri tərəfindən həyata keçirilməlidir və Kiyevdə bu imkanlar yoxdur.

Rusiyanın yeni təhdidlərə “uyğun cavablar” verməli olacağını deyən Putin bu tədbirlərin nə ola biləcəyini açıqlamayıb, lakin keçmişdə Qərbin düşmənlərini rus silahları ilə silahlandırmaq və xaricdəki Qərb hədəflərini vurmaq variantından danışıb. İyun ayında o, adi raketləri ABŞ və onun avropalı müttəfiqlərinin vurduğu məsafəyə yerləşdirməkdən danışıb.

Rusiya Xarici İşlər Nazirliyinin sözçüsü Mariya Zaxarova da Vladimir Putinin bu məsələ ilə bağlı xəbərdarlığını xatırladıb. 

Putin Rusiyaya qarşı uzaqmənzilli silahlardan istifadənin NATO ölkələrinin münaqişədə birbaşa iştirakı demək olacağını bəyan edib və bu halda Moskvanın lazımi addımları atacağını vurğulayıb.

Aynurə