Rəşad Əzizli ölkə xaricində oynaya bilər

"Sumqayıt"ın qapıçısı Rəşad Əzizli Rumıniyada oynaya bilər.

News24.az-ın əldə etdiyi məlumata görə, Rumıniya Liqa 1-dən təklif gəlmək üzrədir. Belə ki, "Botosani" klubu Rəşad Əzizli ilə maraqlanır. 

30 yaşlı əlcək sahibi qış transfer pəncərəsində "Botosani"nin heyətində çıxış edə bilər. Hazırda klub nümayəndələri Azərbaycana gəlmək istəyir, yəqin ki, dekabr ayında ölkəmizə səfər planı daha dəqiq məlum olacaq.

Rəşad Əzizli hazırkı mövsüm azad agent kimi "Sumqayıt"a transfer edilib.

O bundan öncə "Neftçi", "Şamaxı", "Səbail" və "Qəbələ" kimi klublarda çıxış edib.

Qeyd edək ki, "Botosani" hazırda Liqa 1-də 13 xalla 14-cü pillədə qərarlaşıb.

Ağa Dadaşzadə