Kim Kardaşyan Maskın robotu "qəribə" ŞƏKİLLƏR ÇƏKDİRDİ

Realiti-şou ulduzundan sahibkarlığa keçən və aktyorluq karyerasında da möhkəm addımlar atan Kim Kardaşyanın yeni paylaşımı görənləri heyran edib.

News24.az xəbər verir ki, 359 milyon izləyicisi olan Kim Kardaşyan İlon Maskın 30 min dollarlıq Tesla robotu ilə çəkdirdiyi "qəribə" pozalarla gündəmə gəlib.

Teslanın insanabənzər robotu "Tesla Optimus"la pozalar verən 44 yaşlı Kardaşyan Tesla Model S avtomobilinin sürücü oturacağında poza verərkən robotun qucağına oturub.

Özünəməxsus geyim tərzi ilə pozalar verən ulduzun paylaşımı bəzi dairələr tərəfindən "qəribə" qarşılanıb.

Qeyd edək ki, Kardaşyan pərəstişkarları bu fotoları "utandırıcı" və "qorxulu" adlandırıblar.

Bəzi insanlar robotun insan kimi poza verməsini "narahatedici" hesab ediblər.

Kardaşyanın robotla verdiyi pozaların gülməli olduğunu düşünənlər də var. Ulduzun izləyiciləri Kardaşyanın nəhayət ki, “can yoldaşını” tapdığını zarafat edib.

Kim Kardaşyan bir neçə gün əvvəl Tesla robotu ilə salamlaşma anını paylaşmışdı. Kardaşyan hətta robotdan qaya kağızı qayçı oynamasını da istəyib.

Ulduz uzun müddət Tesla markasının pərəstişkarıdır və tez-tez kiber yük maşını istifadə edərkən görünür.

Həmin fotoları təqdim edirik:

Günel Məlikzadə