Virusların artdığı DÖVR - "Laborator analizlərə ehtiyac var"

5-15 yaş aralığında olan uşaqlarda qripə oxşar simptomlarla müşayət olunan virus valideynlər arasında çaşqınlıq yarada bilir.

İnfeksionist-həkim Sadiqə Əliyeva Redaktor.az-a açıqlamasında bildirib ki, payız-qış mövsümü daha çox kəskin respirator virus infeksiyalarının artdığı bir dövrdür:

"Burada da həmin virusların dəqiq differensasiyası üçün sırf laborator analizlər edilməlidir.  Yalnız bundan sonra onların dəqiq diaqnozu qoyula bilər ki, bu qripdir, paraqripdir, koronavirusdur, ya sinsitial virusdur, yaxud adenovirusdur və s.  Müxtəlif növ kəskin respirator virus infeksiyalarının növləri var və onları bir-birindən fərqləndirmək üçün laborator müayinə tələb olunur. Çünki hamısında oxşar simptomlar: burun tıxanıqlığı, öskürək, boğaz ağrısı, qızdırma mövcuddur".