Hər kəsi qorxuya salan futbolçudan xəbər var

Ötən gün İtaliya A seriyasının 14-cu turunda bədbəxt hadisə baş verib. 

News24.az xəbər verir ki, "Fiorentina"nın futbolçusu Eduardo Bove anidən yerə yıxılaraq huşunu itirib.

22 yaşlı futbolçunun anidən yerə yıxılması hər kəsi qorxuya salıb. Bu gün məşhur idman həkimi Fabio De Lusio məsələ ilə bağlı açıqlama verib. Onun sözlərinə görə, bu hadisənin bir neçə səbəbi ola bilər. Ən böyük səbəbin idmançının fiziki yüklənməyə tab gətirməməsidir. 

“Bildiyiniz kimi, peşəkar klublarda bütün futbolçular müntəzəm şəkildə tibbi müayinədən keçir. Görünür, Eduardo Bovenin sağlamlığında problem olmayıb. Ancaq o, fiziki yüklənməyə tab gətirmədiyi versiyasını irəli sürsək, daha məqsədəuyğun olar. Yəqin ki, yaxın zamanda həkimlər daha dəqiq diaqnoz qoyacaqlar”, - deyə o bildirib. 

Qeyd edək ki,  "Fiorentina" - "İnter" matçı məlum hadisə səbəbəbindən yarımçıq dayandırılıb. 

Görüşün bu gün davam edəcəyi gözlənilir.

Ağa Dadaşzadə