Çinin aparıcı turizm şirkətləri 40 yerli turoperatorla görüşüb

Azərbaycan Turizm Bürosunun təşkilatçılığı ilə Çin Xalq Respublikasından olan aparıcı turizm şirkətlərinin yerli turoperatorlarla tanışlıq görüşü baş tutub.

Dövlət Turizm Agentliyindən News24.az-a verilən məlumata görə, görüşün əsas məqsədi iki ölkənin turizm nümayəndələrini bir araya gətirərək qarşılıqlı təcrübə mübadiləsinin aparılmasına və gələcək əməkdaşlıq perspektivlərinin nəzərdən keçirilməsinə şərait yaratmaqdır.

B2B formatlı tanışlıq görüşündə Azərbaycanın 40-dan çox turoperatoru iştirak edib.

Çinli turoperatorlarla tərəfdaşlıq məqsədilə ikitərəfli əlaqələr, əməkdaşlıq imkanları müzakirə olunub, onlara Azərbaycan və onun turizm imkanları barədə geniş məlumat verilib.