"Fənərbaxça" şok itki

Türkiyə nəhənginin heyətində arzuolunmaz hadisə baş verib.

News24.az xəbər verir ki, İstanbulun "Fənərbaxça" klubunun müdafiəçisi Rodriqo Bekan ağır zədə alıb. Braziliyalı Super Liqanın 16-cı turunun "Başakşehir"lə matçında diz nahiyəsindən ciddi zədə alıb.

Təcrübəli futbolçu 7-8 ay müddətində yaşıl meydanlardan uzaq qala bilər. Bu isə onun üçün mövsümün bitməsi deməkdir.

Qeyd edək ki, "Fənərbaxça" 28 yaşlı Rodriqo Bekanı ötən ilin yayında "Udineze"dən transfer edib. R.Bekan bu mövsüm komandanın heyətində meydana çıxdığı 15 rəsmi matçda 1 qol və 1 məhsuldar ötürmə ilə adını siyahıya yazdırıb.

Ağa Dadaşzadə