İnzaqi: "Rəqibə imkan vermədik"

İtaliya "İnter"inin baş məşqçisi Simone İnzaqi İtaliya A Seriyasının 17-ci turunda "Komo" ilə oyunda qazanılan qələbəni şərh edib. 

News24.az xəbər verir ki, oyundan sonra təşkil olunan mətbuat konfrasında İnzaqi bunları deyib:

“Komonu" təbrik etməliyik, çünki onlar yaxşı futbol oynadılar. Lakin “İnter” dəqiq oyun sərgiləməklə rəqibə şans vermədi. İlk hissədə tam istədiyim oyunu sərgiləyə bilməsək də ikinci hissədən çox razı qaldım. Oyun ərzində müəyyən analizlər apardım, hazırda fikrimiz növbəti oyunlara yönəlib. Çalışacağıq ki, qələbələrin ardı gəlsin".

Qeyd edək ki, "San Siro"da baş tutan görüş  meydan sahiblərinin 2:0 hesablı qələbəsi ilə yekunlaşıb. 

Hazırda "İnter" İtaliya A Seriyasında 37 xalla üçüncü pillədə qərarlaşıb.

Ağa Dadaşzadə