Həm üzük taxdı, həm də tatu etdirdi - Məşhur aktrisa evlənir?

Amerikalı aktrisa Zendaya sevgilisi Tom Hollandla Qızıl Qlobus Mükafatlarının ən diqqət çəkən adlarından biri olub.

News24.az xəbər verir ki, 28 yaşlı aktrisa gecəyə "Louis Vuitton" brendinin strapless libası ilə qatılıb. Onun zərifliyi qədər barmağındakı üzük də gündəmə gəlib.

Pərəstişkarlarının diqqətindən yayınmayan üzük cütlüyün nişanlı olması ilə bağlı söz-söhbətlərə səbəb olub.

Xatırladaq ki, cütlüyün 2023-cü ildə nişanlandığı iddia edilsə də, Zendaya tez bir zamanda bu iddiaları təkzib edib.

Eyni zamanda, Zendayanın "t" hərfi ilə döyməsi cütlüyün nişanlı olduğu iddialarını gücləndirib. Çapa da bənzəyən döymənin Tomun "t" hərfi olduğu düşünülür.

Günel Məlikzadə