Muslera qərarını verdi: "Qalatasaray"la müqaviləni yeniləməyəcək?

Qalatasarayda Fernando Muslera 14 ildən sonra mövsümün sonunda sarı-qırmızılıları tərk edib ölkəsi Uruqvaya qayıtmağı hədəfləyirdi.

Ancaq Qalatasaray rəhbərliyi bir müddət əvvəl təcrübəli əlcəkə müqavilə yeniləmə təklifi göndərmişdi.

News24.az xəbər verir ki, Musleranın bu təklifə mənfi cavab verdiyi bildirilib. 

38 yaşlı qolkiper mövsümün sonunda ölkəsinə qayıtmaq istədiyini rəhbərliyə çatdırıb.

Qeyd edək ki, 531 matçda "Qalatasaray"ın qapısını qoruyan Muslera bu matçlarda 571 qol buraxıb və 187 dəfə qapısını bağlı saxlayıb.

Günel Məlikzadə