AZAL Bakıdan Nyu-Yorka uçuşları davam etdirməyi QƏRARA ALIB
    • 23-07-2019, 18:29
    • 1 001

AZAL Bakıdan Nyu-Yorka uçuşları davam etdirməyi QƏRARA ALIB

"Azərbaycan Hava Yolları" aviaşirkəti (AZAL) Bakıdan Nyu-Yorka uçuşları davam etdirəcək.

News24.az xəbər verir ki, bu barədə AZAL məlumat yayıb.

Bildirilib ki, donanmanın texniki imkanlarının optimallaşdırılmasını və sərnişinlərin çoxsaylı istəklərini nəzərə alaraq, “Azərbaycan Hava Yolları” aviaşirkəti Bakı-Nyu-York uçuşlarını daha bir il müddətinə dayandırmamağı qərara alıb.

Beləliklə, Bakıdan Nyu-Yorka birbaşa reyslər Azərbaycanın milli aviadaşıyıcısının qış cədvəli çərçivəsində davam edəcək.
Qeyd edilib ki, Bakı- Nyu-York reysləri (“JFK” hava limanı) həm 2019/2020-ci ilin qış cədvəli, həm də 2020-ci ilin yay cədvəli çərçivəsində həftədə 2 dəfə olmaqla (bazar ertəsi və şənbə günləri) komfortlu Boeing 787 Dreamliner təyyarələri ilə yerinə yetiriləcək.