“Araz” marketdən alınan kolbasa üfunət iyi verir – FOTOLAR

Bakıda “Araz” marketdən alınan kolbasa iyrənc halda olub.

News24.az minval.info-ya istinadla xəbər verir ki, Bakı sakini Nurlan Mirəliyev “Araz” marketlər şəbəkəsinin Nizami rayonu ərazisində yerləşən filialından Rusiya istehsalı olan kolbasa alıb.

N.Mirəliyev məhsulu alarkən üzərində son istifadə tarixinin bitmədiyini görməsinə rəğmən yenə də marketin xidmət keyfiyyətinə güvənməyib. O, kolbasanı doğrayan zaman güvənməməkdə nə qədər haqlı olduğunu anlayıb.

Belə ki, son istifadə vaxtı keçməsə də kolbasa xarab olub: “Rusiyanın ət məhsulları istehsalı olan “ЦАРИЦЫНО” kolbasasını bu gün “Araz” marketdən almışdım. Yaxşı ki, uşaq yeməmiş yoxlamaq üçün özüm kəsdim. Bu zaman kolbasadan elə bir qoxu gəldi ki, dəhşət… Bərbad bir şəkil də iylənib”.