Suriyada müharibə bitdi XARİCİ İŞLƏR NAZİRİ AÇIQLADI

Suriya uzun zamandır davam edən müharibə bitib. 

News24.az xəbər verir ki, bu barədə "Trud" qəzatinə müsahibə verən Rusiyanın Xarici İşlər naziri Sergey Lavrov deyib: "Suriyada müharibə həqiqətən də bitib. Ölkə yavaş-yavaş normal və sülh şəraitinə qayıdır".

S.Lavrov həmçinin qeyd edib ki, müharibənin bitməsinə baxmayaraq hakimiyyətə tabe olmayan bəzi yerlərdə gərginlik var. 

Onun sözlərinə görə, bu şəraitdə Suriyada və bütövlükdə Yaxın Şərq regionunda uzunmüddətli və etibarlı stabilliyə nail olmaq və böhranın həlli üçün siyasi prosesin irəliləməsi, Suriyaya hərtərəfli humanitar yardımın göstərilməsi vəzifələri ön plana çıxır.

S.Lavrov qeyd edib, konstitusiya islahatları komitəsinin yaradılması və işə salınması suriyalıların özləri tərəfindən BMT-nin köməyi ilə həyata keçirdiyi siyasi prosesin irəliləməsində vacib addım olacaq. Xarici İşlər nazirinin sözlərinə görə, komitənin çağırılması hökumətə və müxalifətə ilk dəfə Suriyanın gələcəyi ilə bağlı birbaşa dialoqa başlamağa imkan verəcək.