Yeni tədris ilində nələr gözlənilir?

Bakı Şəhəri üzrə Təhsil İdarəsi 2018-2019 tədris ili ərzində görülən işlər və yeniliklər barədə məlumat verib.

News24.az həmin göstəriciləri sizə təqdim edir:

- Bakı Şəhəri üzrə Təhsil İdarəsinin tabeliyində ümumilikdə,
 *318 məktəb fəaliyyət göstərir.*
Onlardan
 *308-i ümumi təhsil məktəbi,*
 *3-ü xüsusi tipli ümumi orta məktəb* və
 *7-si əyani-qiyabi (axşam) tam orta məktəbi* dir.

Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində
 *27 930 müəllim* çalışır.

- Yeni tədris ilində Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində ümumilikdə,
 *414 844 şagird təhsil alır.* 

- Bakı Şəhəri üzrə Təhsil İdarəsinin tabeliyində tabeliyindəki ümumi təhsil məktəblərinin
 *I sinfində 45 800,*
 *IX sinfində 32 315,*
 *X sinfində  22 795,*
 *XI sinfində  18 896,*
 *XII sinfində 198 şagird** təhsil alır.

- Ümumi təhsil məktəblərinin təmir-tikinti işləri təhsilalanların tədris şəraitinin yaxşılaşdırılmasına, tədrisin keyfiyyətinin yüksəldilməsinə xidmət edir.

- 2019-2020-ci dərs ilinə hazırlıq çərçivəsində Bakı Şəhəri üzrə Təhsil İdarəsinin tabeliyində fəaliyyət göstərən:
 *6 təhsil müəssisəsində əsaslı təmir işləri* (39, 113, 129, 101, 90 nömrəli tam orta məktəblər və 25 nömrəli UGİM);
 *3 məktəbin* (154, 205, 208 nömrəli tam orta məktəblər) mövcud binalarının sökülərək yenidən tikintisi;
 *5 məktəbin* (97, 101, 90, 155, 300 nömrəli tam orta məktəblər) köhnə korpuslarının sökülərək yenidən tikintisi aparılıb.
 *1 təhsil müəssisəsində* (251 nömrəli tam orta məktəb)  əlavə korpus inşa olunub.
 *"Yasamal" yaşayış kompleksində (Sosial Evlər) 1 yeni məktəb* (161 nömrəli tam orta məktəb) tikilib.
Bakı şəhərində Təhsil Nazirliyi tərəfindən *58 məktəbdə cari təmir işləri* həyata keçirilib.
 *Heydər Əliyev Fondu tərəfindən Kürdəxanı qəsəbəsində 960 şagird yerlik yeni məktəb*  tikilib istifadəyə verilib.

Ümumi təhsil məktəblərinin təmir-tikinti işləri son illərdə davamlı olaraq həyata keçirilir və bu işlər ümumilikdə, təhsilalanların tədris şəraitinin yaxşılaşdırılmasına, tədrisin keyfiyyətinin yüksəldilməsinə xidmət edir.

- Dərsliklər şagirdlərə dərs ilindən öncə verilib. Sentyabrın 6-da proses yekunlaşıb.

- Ölkə üzrə *322 adda 5 668 865 nüsxə dərslik və metodik vəsait* çap edilib.

- Bakı şəhəri üzrə *1 296 895 ədəd dəslik, 64 006 ədəd müəllim üçün metodik vəsait*  məktəblərə verilib.

- Bakı şəhəri üzrə *47 məzun ali məktəblərə qəbulda yüksək nəticələrinə görə Prezident təqaüdünə* layiq görülüb. 

- Bakı şəhəri üzrə müəllimlərin işə qəbulu və yerdəyişməsi müsabiqəsinə *1442 vakansiya* təqdim olunub. 

- *Şagirdlərin yerdəyişməsi ilk dəfə bu ildən elektron qaydada (www.sy.edu.az) aparılır.* 

- Bakı şəhəri üzrə *271 məktəbdə 962 Məktəbəhazırlıq qrupu* yaradılıb.
*24 000-dən çox 5 yaşlı qeydiyyatdan keçib. Bu, proqnozun 60 faizindən çox* dur.
 *Məktəbəhazırlıq qruplarında məşğələlər oktyabrın 1-də* başlayacaq.
 *Bu il ilk dəfə ölkə üzrə Məktəbəhazırlıq qruplarına qeydiyyat elektron qaydada (mektebeqebul.edu.az) aparılır.* 

-   2018-2019-cu dərs ilində Bakı məktəbliləri *Respublika Fənn Olimpiadalarında 5 qızıl, 10 gümüş, 30 bürünc medal olmaqla, ümumilikdə 45 medal alıb.* 

- Bakı Şəhəri üzrə Təhsil İdarəsinin tabeliyindəki məktəbləri bitirən *1 433 məzuna Fərqlənmə Attestatı verilib.* 

- Bakı Şəhəri üzrə Təhsil İdarəsinin tabeliyindəki məktəblərin *XI sinfini bitirən 14 məzun qızıl, 1 məzun isə gümüş* medala layiq görülüb.

- Bakı Şəhəri üzrə Təhsil İdarəsinin tabeliyindəki məktəb məzunlarından ali məktəblərə qəbul imtahanlarında iştirak edən *17 505 nəfərdən 13 012 nəfər, yəni 74 faizi* ali və orta ixtisas təhsili müəssisələrinə qəbul olunub.

- Bakı şəhəri üzrə *qəbul imtahanlarında iştirak uğur qazanmış abituriyentlərin 22 faizi 500 və 500-dən çox bal toplayıb.*