Ronaldo ən pis nəticə göstərdi

“Yuventus”un hücumçusu Kriştianu Ronaldu İtaliya çempionatının üç qarşılaşmasında rəqib qapılarına 23 zərbə endirsə də, bir qola belə imza atmayıb.

Bu isə Avropada ən pis nəticədir.

Göstəriciyə görə ikinci yeri “Nant”ın yarımmüdafiəçisi Valenten Ronjye tutur. Onun endirdiyi 15 zərbədən heç biri qolla nəticələnməyib.

Sonrakı yerlərdə “Kristal Pelas”dan Kristian Benteke (13), “Monpelye”dən Endi Delor (12) və “Lion”dan Nabil Fekir qərarlaşıblar.

İtaliya çempionatının üç oyununda Ronaldu bir uğurlu ötürmə ilə yadda qalıb.