Bakıda hər kəsin gözlədiyi keçidin tikintisi yekunlaşır – FOTOLAR

Bakıda 1 ildən artıq müddətdir ki, tikintisi aparılan Şamaxinka ərazisindəki yerüstü piyada keçidində işlər tamamlanmaq üzrədir.

News24.az-ın məlumatına görə, Moskva prospekti üzərindəki keçiddə son-tamamlama işləri görülür. ərazidə yalnız piyadaların keçidə qalxıb düşməsi üçün quraşdırılmalı olan liftlərin gətirilməsi qalıb.

Keçid istifadəyə veriləndə ərazidə yol kənarlarının məhəccərlərlə əhatələnməsi və burada piyadaların keçidi, taksi və digər avtomobillərin saxlanması qadağan ediləcək.

Qeyd edək ki, u keçidin tikintisi böyük söz-söhbətə səbəb olmuşdu. Bir çoxları bu ərazidə yerüstü keçidin tikilməsini uğursuz qərar kimi qəbul edir.