Yunis özünü videoya çəkibmiş: "Taleh Bağırzadənin üç körpəsini başsız qoyan şəxsi öldürmüşəm" - RƏSMİ
    • 6-07-2018, 21:30
    • 856

Yunis özünü videoya çəkibmiş: "Taleh Bağırzadənin üç körpəsini başsız qoyan şəxsi öldürmüşəm" - RƏSMİ

Baş Prokurorluq, DİN və DTX Gəncə icra başçısı Elmar Vəliyevi və mühafizəçisini güllələyən Yunis Səfərovla bağlı məlumat yayıb.

Açıqlamada qeyd olunur ki, Yunis Səfərovun terror aktını törətməkdə əsas məqsədi Azərbaycanda şəriət qanunları ilə idarə olunan islam dövləti qurmaq, bunun üçün bir neçə tanınmış dövlət məmurunu öldürməklə respublikada ajiotaj, xaos, vahimə yaratmaq, nəticə etibarı ilə hakimiyyətin zorla ələ keçirilməsini təşkil etmək olub. O, bu məqsədini həyata keçirmək üçün "Müsəlman birliyi hərəkatı" adından Azərbaycan vətəndaşlarına videomüraciət də hazırlayıb onu xarici ölkədə yaşayan məsləkdaşlarına göndərmiş və iyul ayının 3-də Gəncə şəhərində törətdiyi terror aktı baş tutacağı halda həmin müraciətin respublikada yayılmasını nəzərdə tutmuşdur.

Videomüraciətdə Yunis Səfərov "Müsəlman birliyi hərəkatı"nın sədri Taleh Bağırzadənin üç körpəsini başsız qoyan şəxsi öldürmüşəm, bundan nümunə götürün. İslamın düşmənlərini öldürün, Azərbaycanda hakimiyyəti islam birliyi ələ almalıdır" deyərək, ölkə əhalisini respublikanın vəzifəli şəxlərinə qarşı silahlı mübarizəyə qalxmağa çağırış edib.