Zərifdən ABŞ-ın viza verməməsinə cavab: "Nədən qorxursunuz?"

İranın xarici işlər naziri Məhəmməd Cavad Zərif "Tehran Dialoq Forumu" çərçivəsində jurnalistlərə açıqlama edərək ABŞ-ın BMT Təhlükəsizlik Şurasının iclasına qatılmaq üçün ona viza verməməsinə münasibət bildirib. 

News24.az "Mehr" agentliyinə istinadən xəbər verir ki, M.C.Zərif, ABŞ Dövlət Katibi Mayk Pompeonun BMT Baş katibinə vaxtın az olması səbəbiylə vizanın verilmədiyini söyləyib. Onun sözlərinə görə, BMT baş katibi, öz növbəsində, İranın toplantıda iştirak etmək hüququna sahib olduğunu söyləyib:"Mövcud vəziyyəti nəzərə alaraq görüşdə iştirak etməkdə çox maraqlı deyildim".

İranlı diplomat əlavə edib ki, Təhlükəsizlik Şurasının iclası ABŞ cinayətlərini müzakirə etmək üçün yaxşı bir fürsətdir, lakin dövlət və iqtisadi terrorizmi həyata keçirən və müharibə cinayətlərini, insanlığa qarşı cinayətləri təhdid edən bir hökumət BMT qərargah sazişinin müddəalarının pozulmasına əhəmiyyət vermir.

Zərif, Birləşmiş Ştatların xarici diplomatlara Birləşmiş Millətlər Təşkilatına daxil olmasını təmin etməyi öhdəsinə götürən 1947-ci il BMT Qərargah Sazişinə istinad edib. Bildirib ki, hər kəs bu saxta rejimdən, nədən qorxduğunu soruşmalıdır.