İmişli sakinini öldürüb, avtomobilini Kürə atıblar - TƏFƏRRÜAT

İmişlidə qətl hadisəsi baş verib.

News24.az xəbər veirr ki, hadisə İmişli rayonunun Ağamalılar kəndində qeydə alınıb.

Kənd sakini, 1994-cü il təvəllüdlü Quliyev Emin Elsevən oğlu mübahisə zəminində İmişli rayon sakini Əzizov Zaur Zakir oğlunu bıçaqla qətlə yetirib.

Hadisənin təfərrüatları bəlli olub. Belə ki, bu il yanvarın 7-də rayonun Ağamalılar kəndi ərazisində Kür çayına avtomobil düşməsi barədə hüquq-mühafizə orqanlarına məlumat daxil olub. Çaya düşən “QAZ-3110” markalı, 90 DX 310 dövlət nömrə nişanlı avtomobilin İmişli sakini, 1981-ci il təvəllüdlü Əzizov Zaur Mikayıl oğluna məxsus olduğu məlum olub. 

İstintaq zamanı müəyyən edilib ki, yanvarın 7-də Əzizov Zaur Mikayıl oğlu tanışı İmişli sakini, 1994-cü il təvəllüdlü Quliyev Emin Elsevən oğlunu pul üstündə bıçaqlayıb. Bundan sonra E.Quliyev Z.Əzizovun əlindən bıçağı alaraq onun qarın və baş nahiyəsinə zərbələr endirib. Daha sonra E.Quliyev maşınla Z.Əzizovun üstündən keçərək onu öldürüb və meyitini atla sürüyərək İmişlinin Ağamalılar kəndi ərazisində kolluq əraziyə atıb. Avtomobilini isə Kür çayına yuvarlayıb.

Z. Əliyevin meyiti tapılaraq ərazidən götürülüb.

Hadisəni törətməkdə şübhəli bilinən Emin Quliyev saxlanılıb.