Məscidə hücum 100-DƏN ÇOX ÖLÜ

Yəmənin şimal-şərqindəki Marib əyalətində Yəmən ordusu düşərgəsinə "Hussit" adlandırılan üsyançı hərəkat tərəfdarlarının hücumu zamanı 100-dən çox adam ölüb, onlarla adam yaralanıb.

News24.az xarici KİV-ə istinadən xəbər verir ki, bu barədə Yəmən Xarici İşlər Nazirliyi məlumat yayıb. Xüsusilə, həm hərbçilərin, həm də mülki şəxslərin toplaşdığı məscid vurulub. Hücum zamanı "Hussit"lər raket və dronlardan istifadə ediblər.

Yəmən Prezidenti Abd Rabbo Mansur Hadi hücumu qorxaq terror aktı adlandırıb:""Hussit" hərbçilərinin utancverici hərəkətləri, şübhəsiz ki, sülh əldə etmək istəmədiklərini təsdiqləyir. Ölüm və məhv etməkdən başqa heç nə bilmirlər və İranın bölgədəki ən ucuz vasitəsidir".