"Relax"ın sahibinin oğlu həbsdən çıxdı: "Heç bir valideynə arzu etmirəm"

Xəbər verdiyimiz kimi, Lerikdə “Relax” istirahət mərkəzində baş verən insidentlə bağlı həbs edilən deputat İqbal Məmmədovun oğlu Mirhəmid Nərimanlı, qardaşı oğlu Orxan Nərimanlı azadlığa buraxılıb.

News24.az bildirir ki, APA-ya açıqlama verən İqbal Məmmədov oğlu və qohumlarının azadlığa buraxılmasını şərh edib:
"Neçə vaxt idi ki, araşdırma gedirdi. Bu gün məsələyə hüquqi qiymət verildi. Humanizm prinsipləri rəhbər tutularaq məhkəmə onları həbsdən azad etdi. Bu bizim üçün çox sevindirici xəbər oldu. Heç bir valideynə övladının həbsə düşməyini arzu etmirəm".

Qeyd edək ki, İqbal Məmmədov hazırda 78 saylı Lerik Seçki Dairəsindən deputatlığa namizədidir.