TƏCİLİ! Rauf Arifoğlunun qalib olduğu dairənin nəticələri LƏĞV EDİLDİ
    • 13-02-2020, 17:13
    • 1 479

TƏCİLİ! Rauf Arifoğlunun qalib olduğu dairənin nəticələri LƏĞV EDİLDİ

MSK-nın iclasında 35 saylı Xətai üçüncü seçki dairəsi ilə bağlı daxil olmuş müraciətlərə baxılıb.

News24.az xəbər verir ki, məsələ barədə məlumat verən MSK üzvü Ramiz İbrahimov bildirib ki, Ümid Partiyasının sədri İqbal Ağazadə müraciət edərək, həmin seçki dairəsi üzrə bəzi seçki məntəqələrində pozuntuların baş verdiyini bildirib.

O qeyd edib ki, həqiqətən də bu dairənin bütün məntəqələrində bu və ya digər formada pozuntulara yol verilib.

MSK üzvü qeyd edib ki, 1 saylı məntəqənin nəticələrinə dair tərtib edilmiş protokol müşahidəçilərə verilməyib. R.İbrahimov da digər konkret məntəqələr üzrə baş vermiş pozuntuları sadalayıb.

MSK üzvü bu dairədə baş verən pozuntuların seçki dairəsində seçicilərin iradəsini ifadə etməyə imkan verməyən hallar olduğunu bildirib.

R.İbrahimov 35 saylı dairə üzrə 33 seçki məntəqəsindən 30 seçki məntəqədə seçkinin nəticələrinin ləğv edilməli olduğunu vurğulayıb və bütövlükdə dairə üzrə nəticələrin etibarsız hesab edilməsinə dair qərar layihəsi hazırlandığını bildiirb.

Qərar səsverməyə çıxarılıb və 35 saylı dairə üzrə 33 seçki məntəqəsindən 30 seçki məntəqədə seçkinin nəticələri ləğv edilib.