Almaniya karantin şərtlərini YUMŞALDIR

Almaniyada koronavirusla mübarizə çərçivəsində görülən tədbirlər yumşaldılır. 

News24.az xarici KİV-ə istinadən xəbər veirr ki, bununla bağlı Almaniyada hökuməti dövlət idarəçiləri ilə birlikdə bu gündən etibarən kiçik və orta sahibkarlığın fəaliyyətinə icazə verib. Qərardan sonra bir çox müəssisə fəaliyyətə başlayıb. 800 kvadratmetrdən böyük mağazalar, müəssisələr, barlar, kafe və restoranlar bağlı qalacaq.

Hökumət bəzi bölgələrdə 1,5 metrlik sosial məsafə qaydasına əməl olunmaq şərti ilə ticarət mərkəzləri, muzeylər və zooparkların açılmasına icazə verildiyini açıqlayıb.

Eyni zamanda məktəblərin tədrisə tədricən başlayacağını, ilk növbədə orta məktəbdə buraxılış imtahanı verəcək sonuncu sinif şagirdlərinin gələn həftədən başlayaraq dərslərinə davam edəcəkləri bildirilib.