Merkel böhrandan çıxmaq üçün sərt tədbirlərin görülməsini TƏLƏB ETDİ

Almaniya kansleri Angela Merkel, COVID-19 pandemiyasının yaratdığı böhranın aradan qaldırılması üçün sərt tədbirlərin görülməsini tələb edib.

News24.az xarici KİV-ə istinadən xəbər verir ki, A.Merkel bu barədə Bundestaqda çıxışı zamanı deyib. Kansler qeyd edib ki, cəmiyyət olaraq bu dramatik böhrandan canı qurtarmaq, hər kəsin həyatı və ləyaqətini qorumaq üçün sərt məhdudiyyətlər lazımdır.

A.Merkelin sözlərinə görə, son həftələrdə Almaniya vətəndaşları intizam və səbr nümayiş etdiriblər, həmçinin virusun yayılmasında yavaşlama qeydə alınıb:"Zaman qazandıq və bu qiymətli vaxtdan səhiyyə sistemimizi gücləndirmək üçün istifadə etdik".