Polşa bu ölkə ilə sərhəddə hava məkanını bağladı – Səbəb

Polşa Hərbi Hava Qüvvələri Baltik dənizi üzərində Polşa hava məkanına yaxın uçan Rusiya kəşfiyyat təyyarəsinə xəbərdarlıq edib. Bildirilib ki, gecə boyunca Belarusdan onlarla obyekt Polşa hava məkanına daxil olub və bayram mövsümündə baş verən bu hadisələr təxribat ola bilər.

News24.az xəbər verir ki, bu barədə Polşa ordusu məlumat yayıb.

NATO-nun şərq qanadındakı ölkələr sentyabr ayında üç Rusiya hərbi təyyarəsinin Estoniya hava məkanını 12 dəqiqəlik pozmasından sonra potensial hava pozuntularına qarşı yüksək hazırlıq vəziyyətindədir.

Polşanın Milli Təhlükəsizlik Bürosu bildirib ki, Belarus tərəfdən Polşa hava məkanına bir neçə on obyekt daxil olub.

“Polşa hava məkanının kütləvi pozulması, bayram mövsümündə baş verməsi, Rusiya təyyarələrinin Baltik dənizində fəaliyyəti və oxşar hadisələrin Litvada baş verməsi, bunun qaçaqmalçılıq əməliyyatı adı altında təxribat ola biləcəyini göstərir”, – bürodan qeyd edilib.

Polşa ordusu təhlükəsizliyi təmin etmək üçün Belarusla sərhəd olan Podlaskie regionunun hava məkanının bir hissəsini müvəqqəti olaraq mülki uçuşlara bağlayıb.