Dünyada koronavirusa yoluxma hallarının sayı 3,2 milyonu ÖTDÜ

Dünyada koronavirusa yoluxma hallarının sayı 3,2 milyonu ötüb.

News24.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

Son məlumata görə, hazırda dünyada 3 milyon 267 min 184 COVID-19 xəstəsi var. Dünyada bir gündə isə koronavirusa 91,9 min yeni yoluxma və 5 799 ölüm qeydə alınıb. Ayrı-ayrı ölkələrdə ümumilikdə 229971 insan pandemiyanın qurbanı olub.

Virusa yoluxma hallarının əksəriyyəti Avropada qeydə alınıb. Köhnə qitədə COVID-19-a 1 492 024 insan yoluxub. Onlardan 140,5 mindən çoxu ölüb. 

Qeyd edək ki, hazırda virus 212 ölkə və bölgədə qeydə alınıb.