Türkiyə vətəndaşı bu əməlinə görə 15 il HƏBS OLUNDU

İrandan Azərbaycan vasitəsilə Avropaya 126  kiloqram heroinin keçirməyə cəhd gödtərməkdə təqsirləndirilən Türkiyə vətəndaşı Karataş İmdat Musa oğlunun cinayət işi üzrə məhkəmə prosesi başa çatıb.

Lənkəran Ağır Cinayətlər Məhkəməsində hakim Oruc Cəlilovun sədrliyi ilə keçirilən prosesdə hökm oxunub. Hökmə əsasən İ. Karadaş 15 il müddətinə azadlıqdan məhrum edilib.

Şirvan Apelyasiya Məhkəməsində onun cəzası dəyişmədən saxlanılıb. Qeyd edək ki,  ötən il iyunun 18-də Dövlət Gömrük Komitəsinin hadisə ilə bağlı məlumat yayıb.
Bildirilib ki,  DGK əməkdaşları İrandan gələn Iveco yük maşınında 126 kiloqramdan çox heroin aşkar edərək götürüblər.

İstintaq araşdırması zamanı məlum olub ki, İ. Karadaş  126 kiloqram 90 qram narkotik vasitə olan heroini həmin şəxsdən satış məqsədi ilə qəsdən qanunsuz olaraq əldə edib və 40000 avro müqabilində Azərbaycan Respublikasının ərazisindən tranzit keçməklə İran İslam Respublikasından Rusiya Federasiyasına aparıb Moskva şəhərində mütəşəkkil dəstənin şəxsiyyətləri məlum olmayan digər üzvlərinə Avropa ölkələrinə çatdırılması məqsədilə təhvil verəcəkmiş.  /APA/