Restoran və kafelərlə bağlı ƏN SON MƏLUMAT

"İkinci dalğadan qorxmaq lazım deyil. Deməli biz, ilk dalğada uğur əldə etmişik". 

News24.az xəbər verir ki, bu sözləri Ümumdünya Səhiyyə Təşkilatının rəsmisi Hande Harmancı bu gün jurnalistlər üçün keçirilən brifinqdə deyib. O bildirib ki, ÜST öncədən də digər ölkələrdə olduğu kimi, Azərbaycanda da koronavirusun ikinci dalğasının yaranacağını bilirdi. 

Brifinqdə çıxış edən TƏBİB-in İdarə Heyətinin sədri Ramin Bayramlı bildirib ki, restoranlar və kafelər uzun müddət bağlı qala bilməz: "Statistik məlumatlara əsasən buna qərar verə bilərik. Hazırda ikinci mərhələni yaşayırıq, bu mərhələ üçün də qaydalar var. Bu qaydalara əməl etməsək, yoluxma çox sərt şəkildə arta bilər. Restoranlar və kafelərlə bağlı yaxın günlərdə açıqlama veriləcək". 

Teymur Məmmədov