22 yaşlı oğlan valideynlərini öldürmək üçün qatil tutdu

Valideynlərinin var dövlətini əldə etmək üçün onların öz əcəli ilə ölməsini gözləməyə səbri çatmayan 22 yaşlı rusiyalı gənc iki dəfə onları öldürməyə cəhd edib.Lakin iki dəfə uğursuz cəhddən sonra o killer tutmağa qərar verib.

 News24.az xəbər verir ki, film ssenarisini xatırladan bu hadisə Soçi şəhərində baş verib. Gənc oğlan killer tutmaq üçün dostuna müraciət etsə də dostu gizlicə polisə xəbər verərək cinayətin qarşısını  ala bilib.

Valideynlərini öldürməyə sifariş vermiş Artyom Nemsovun görüşünə killer  adı ilə polis işçisi gəlib. Sifarşçi  muzdlu qatilə 3 milyon rubl vəd edib. Lakin pulu yalnız valideynlərinin meyitlərini görrdükdən sonra ödəyəcəyini bildirib. Bundan sonra o valideynlərini necə öldürməli olduqları barədə təlimat da verib. Polislər Artyomun valideynlərini qrimləyərək onlara ölü görkəmi veriblər. Ölən valideynlərinin yanına  gələn oğul elə hadisə yerindəcə həbs edilıib.

İlhamə