14 və 15 iyunda YALNIZ ONLAR ÇIXA BİLƏCƏK - SİYAHI

2020-ci il 14 iyun saat 00:00-dan 16 iyun saat 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında fəaliyyətinə icazə verilən qurum və xidmətlər açıqlanıb.

Bu barədə News24.az-a Nazirlər Kabineti yanında Operativ Qərargahdan bildirilib.

Həmin xidmət və qurumlar aşağıdakılardır:
•        hüquq-mühafizə və hərbi xidmət nəzərdə tutulmuş orqanların fəaliyyəti;
•        xəstəxanalar, təcili tibbi yardım müəssisələrinin fəaliyyəti;
•        sosial xidmət müəssisələrinin fəaliyyəti, o cümlədən əqli və hissiyat pozuntusu olan, habelə xüsusi qayğıya ehtiyacı olan şəxslər üçün baxıcılıq xidməti;
•        kommunal xidmətlər (su təchizatı və kanalizasiya, qaz təchizatı, istilik təchizatı, enerji paylanması, məişət tullantılarının yığılması və utilizasiyası);
•        elektrik enerjisinin istehsalı və təchizatı;
•        meliorasiya və su təsərrüfatı;
•        rabitə xidmətləri;
•        teleradio yayımçılarının (televiziya və radio kanalları, kabel televiziyaları) fəaliyyəti;
•        dəmir yolu, avtomobil, dəniz, hava nəqliyyatı ilə yük daşımaları;
•        boru kəmərləri ilə nəqliyyatın təmin edilməsi fəaliyyəti;
•        fasiləsiz istehsalat fəaliyyəti (istehsalat-texniki şərtlərə görə fəaliyyətinin dayandırılması mümkün olmayan müəssisələr);
•        neft və qazın hasilatı, emalı, saxlanması və satışı;
•        çörək məsullarının istehsalı (2020-ci il 15 iyun saat 16:00-dan etibarən);
•        fəaliyyəti dayandırılmış iş və xidmət sahələrinin mühafizə və texniki təhlükəsizliyinin təmin edilməsi üzrə xidmətlər;