"Şənbə günü idi, Qubada karantin deyildi" - HANDE HARMANCI QUBA SƏFƏRİNDƏN DANIŞDI

“Rayonlara getmək barədə qərar vermək Nazirlər Kabineti yanında Operativ Qərargahın işidir. Biz bununla bağlı hər hansısa qərar açıqlaya və ya münasibət bildirə bilmərik”.

News24.az-ın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı bildirib.

Sosial şəbəkədə rayonda olması barədə yayılan şəklə gəlincə, ÜST-ün Azərbaycandakı nümayəndəliyinin rəhbəri deyib ki, şənbə günü rayonlarda olanda qadağa yox idi: "Buna görə də insanların arasında idim".