Süni tənəffüs cihazındakı xəstələrin sayı azaldı

Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 4-nə olan statistik göstəriciləri açıqlayıb.

News24.az xəbər verir ki, məlumata əsasən hazırda ölkədə 4 089 nəfər aktiv koronavirus xəstəsi var.

Onlardan 255 nəfər reanimasiyada, 51 nəfər isə süni tənəffüs cihazındadır. Dünən süni tənəffüs cihazında olan xəstələrin sayı 62 nəfər idi.
Ümumilikdə 32 910 nəfər virusa yoluxub, 28 348 nəfər sağalıb.

Qeyd olunub ki, bu gün 6 409 test edilib. Yeni yoluxma hallarının müəyyənləşdirilməsi ilə əlaqədar ümumilikdə 751 246 test aparılıb.

Xatırladaq ki, bu gün 226 koronavirusa yoluxma faktı qeydə alınıb, 5 nəfər dünyasını dəyişib, 588 nəfər sağalıb.