"Gecə göz yaşlarım sel oldu..." - İRADƏ İBRAHİMOVA - FOTO

"Ailə albomundan çıxan şəkil...O zamanlar hamı sağlam və həyatda idi. İnsanlar bir-birinə çox bağlı idi. Gecə göz yaşlarım sel oldu. Uzun-uzun baxdım bu şəkilə. Gecə yuxuma girdi, bu dəfə o səssizcə üzümə baxdı".

News24.az xəbər verir ki, bu sözləri müğənni İradə İbrahimova "İnstagram"da yazıb. Atasının fotosunu paylaşan sənətçi bunları əlavə edib: "Bilirsiz, bu həyatda anamı başıma tac etdim, amma ən çox atamı sevdim. Bu aralar ağlım bu dünyadan köçənlərimdədir. İnsan qucaqlamağı, səslərini, söhbətlərini, gülüşlərini ən çox da əllərini və qoxularını özləyir. Sevdiklərimi əllərindən və iylərindən tanıyıram. O zamanlar yay tətilində çalışan valideynlər uşaqlarını ərzaqları ilə ana-ata ocağına yola salardılar. Bizim tətilimiz Göyçə mahalının Poladlı kəndindən başlayırdı".

Sevda Bayramova