SƏRNİŞİNLƏRİN NƏZƏRİNƏ! 15-dən artıq avtobus sıxlıqda qalıb

Hazırda axşam pik saatı olduğundan bəzi küçə və prospektlərdə nəqliyyat vasitələrinin hərəkətində sıxlıq müşahidə olunur.

Bu barədə News24.az-a Bakı Nəqliyyat Agentliyinin mətbuat xidmətinin rəhbəri Mais Ağayev məlumat verib.

O bildirib ki, Heydər Əliyev prospekti şəhər istiqamətində kənar yolda və Şah İsmayıl Xətai prospektindən Heydər Əliyev prospekti istiqamətində ciddi sıxlıq var.

Sıxlıq səbəbindən qeyd olunan istiqamətlərdə müntəzəm və ekspres xətlər üzrə avtobusların intervalında ciddi gecikmələr yaranıb. Hazırda Heydər Əliyev prospekti şəhər istiqaməti kənar yolda 15-dən artıq avtobus sıxlıqda qalıb.

Z.Bünyadov prospekti hər iki istiqamətdə sıxlıq var. Burda da həm müntəzəm həm ekspres xətlər üzrə avtobusların hərəkətində çətinliklər var.