Şagirdlər saat neçədə dərsə gedəcək? - RƏSMİ AÇIQLAMA

15 sentyabr 2020-ci il tarixindən etibarən ölkənin bütün ümumi təhsil müəssisələrində ibtidai təhsil səviyyəsi üzrə tədris və təlim-tərbiyə prosesi bərpa olunacaq. 

Hər kəsi maraqlandıran suallardan biri də dərslərin saat neçədə başlamasıdır. 

Təhsil Nazirliyinin İctimaiyyətlə əlaqələr sektorunun müdiri Cəsarət Valehov News24.az-ın sorğusuna cavab olaraq bildirib ki, dərslərin başlama saatları müxtəlifdir:

“07:45, 08:00, 08:15, 08:30, 08:45-də dərslərin təşkil olunacağı tədris müəssisələri var. Heç vaxt bu cür hal olmayıb. Yəni bu, o deməkdir ki, dərslərin başlama saatı məktəbdən-məktəbə fərqlənir".

Müşahidələrimizə əsasən, belə aydın oldu ki, Bakının kənd məktəbləri 08:00, şəhər mətkəbləri isə 08:45-də tədris prosesini bərpa edəcək.

Məhərrəm Əliyev