Ülviyyə Heydərovanın “Pələng” monopyesi Beynəlxalq Müsabiqənin uzun siyahısına DAXİL EDİLDİ

Yazıçı-dramaturq və istedadlı jurnalist Ülviyyə Heydərovanın “Pələng” monopyesi Независимый Международный Конкурс Современной Драматургии «Исходное событие – XXI век» yarışmasının «Одинокий артист» nominasiyasının uzun siyahısına daxil edilib.

News24.az xəbər verir ki, “Pələng” monopyesinin tarixçəsi haqqında müəllif müsahibələrindən birində söyləyib ki, “2018-ci ilin oktyabr ayı idi. Ustadım Ramiz Fətəliyev Dramaturgiya laboratoriyasında bütün tələbələrinə belə bir tapşırıq verdi: itin dilindən monoloq yazmaq. Hamı kimi mən də yazdım. Adını "Pələng" qoydum. Yazanda hekayə məni o qədər özünə çəkdi, cəlb elədi ki, düşündüm, əsəri elə ustadıma ithaf edim. Çünki o, belə bir tapşırıq verməsəydi, heç bu əsər də olmazdı... Dərsdə oxudum...” Müəllif “facebook” hesabında yeni uğurunu Ustadı, görkəmli kinodramaturq Ramiz Fətəliyevə həsr etdiyini bildirib.

Ülviyyə xanımı tabrik edir və ona yeni-yeni yaradıcılıq uğurları arzulayırıq.