İTV Azərbaycan xalqını qələbə münasibətilə təbrik ETDİ

İctimai Televiziya və Radio Yayımları Şirkəti Azərbaycan xalqını vətən müharibəsində əldə etdiyi qələbə munasibətilə təbrik edir. 

News24.az xəbər verir ki, Azərbaycan Respublikasının Ali Baş Komandanı cənab İlham Əliyevin rəhbərliyi altında müzəffər  və rəşadətli ordumuz bütün dünyaya Azərbaycanın qüdrətli və yenilməz olduğunu bir daha sübut etdi. Kollektivimiz parlaq qələbə münasibətilə başda Ali Baş Komandan olmaqla, Azərbaycan Ordusuna dərin minnətdarlığını bildirir, şəhidlərimizin ruhu qarşısında baş əyir, qazilərimizə Allahdan şəfa diləyir. 

Nəzərinizə çatdırırıq ki, qurumumuz İctimai Televiziya və Radio Yayımları haqqında Azərbaycan Respublikasının qanunun 6.0.1 (özünün yayım xidmətlərini yaratmaq) və 6.0.4 (ölkə ərazisində və xaricdə özünün müxbir məntəqələrini, filial və nümayəndəliklərini açmaq) maddəsinə əsaslanaraq, mərkəzi Şuşa şəhərində olmaqla Qarabağ bürosunun açılması barədə qərar qəbul edib. Bununla bağlı olaraq bildiririk ki, müharibədən sonrakı vəziyyət imkan verən kimi İctimai Televiziya və Radio Yayımları Şirkətinin Qarabağ bürosu öz fəaliyyətinə başlayacaqdır.

Sevda Bayramova