Ötən il AzTV 5000 manat cərimələ olunub

Ötən il AzTV 5000 manat məbləğində cərimələnib. 

News24.az xəbər verir ki, bu barədə Milli Televiziya və Radio Şurasının 2020-ci il hesabatında qeyd olunub. Bildirilib ki, cərimə Milli Televiziya və Radio Şurasının müraciəti əsasında olub.

Eyni zamanda İnzibati Xətalar Məcəlləsinin 428.11-ci maddəsinə əsasən “Azərbaycan Televiziya və Radio Verilişləri” QSC (AZTV kanalı) barəsində  8 may 2020-ci il tarixdə inzibati protokol tərtib edilərək müvafiq rayon məhkəməsinə göndərilib. Məhkəmə tərəfindən qeyd olunan pozuntuya görə “Azərbaycan Televiziya və Radio Verilişləri” QSC-ə 5000 (beş min) manat cərimə cəzası tətbiq edildiyi vuğulanıb.