Badamdarda 1 iaşə obyekti, 2 fərdi yaşayış evi zərər görüb, 1 minik avtomobili torpaq altında qalıb - FOTO - VİDEO - YENİLƏNDİ

Bakının Səbail rayonu ərazisində Badamdar şossesində baş verib torpaq sürüşməsi ilkin məlumata əsasən, əvvəl qeydə alınan hissədə aktivləşib.

News24.az-ın hadisə yerində olan əməkdaşının verdiyi məlumata görə, Səbail Rayon İcra Hakimiyyətinin başçısı Vüqar Zeynalov əraziyə gəlib.

Sürüşmə nəticəsində 1 iaşə xidməti obyekti və 2 fərdi yaşayış evi və 1 minik avtomobili zərər görüb.

Bildirilir ki, həmin evlərdə və ətrafda yaşayan sakinlər dərhal təxliyə edilib. İtki yoxdur.

Hadisə yerinə Fövqəladə Hallar Nazirliyinin əməkdaşları və Səbail Rayon Polis İdarəsinin rəhbəri Cavid Muradov və polis əməkdaşları da cəlb olunub.

Dağıntılar altında “Mersedes” markalı avtomobilin qaldığı bildirilib.

Əlavə məlumat veriləcək.

Teymur Məmmədov