“National Geographic" “Instagram”da ermənilərin dağıtdığı Ağdamın görüntüləri paylaşdı - FOTO

“National Geographic” “Instagram” hesabında Azərbaycanın işğaldan azad edilmiş Ağdam şəhərinin ermənilər tərəfindən dağıdılan görüntülərini paylaşıb.

News24.az xəbər verir ki, paylaşımda deyilir:

“Bir vaxtlar 40 min əhalinin yaşadığı, bu yaxınlarda azad edilmiş Ağdam şəhərinin təxminən 30 il Ermənistanın işğalı altında qalması nəticəsində dağıntılar içində olduğu bildirilir. Qeyd edilir ki, 1993-cü ildə Ermənistan-Azərbaycan münaqişəsi zamanı Ağdam işğal olunduqdan sonra şəhərdə məsciddən başqa bütün tikililər dağıdılıb. Uzun sürən münaqişə bir milyondan çox insanın köçkün düşməsinə səbəb olub. Ötən ilin sentyabr ayında başlayan hərbi əməliyyatlar 44 gün davam etdi və Rusiyanın vasitəçiliyi ilə əldə olunan sülh razılaşması ilə başa çatdı. Azərbaycan 1990-cı illərdə itirdiyi ərazilərin böyük hissəsini geri qaytardı".