Nazirlik rəsmisi: "İstedadlı uşaqlar vaxtından əvvəl I sinfə qəbul ola bilməz"

"Qanunvericilikdə xüsusi istedadlı uşaqların vaxtından əvvəl birinci sinfə qəbulu ilə bağlı müddəa yoxdur. Birinci sinifə qəbul adi qaydada aparılır. Təqvim ili ərzində 6 yaşı bitən uşaqların I sinfə qəbul üçün proqram təminatı üzrə sorğu verilə bilər".

News24.az xəbər verir ki, bunu Təhsil Nazirliyinin Ümumi təhsilin təşkili və idarəolunması şöbəsinin əməkdaşı Elçin Kərimov 2021-2022-ci tədris ili üzrə birinci sinfə qəbulla bağlı danışarkən deyib.

"Təqvim ili ərzində 8 yaşını tamamlamış uşaqlar da I sinfə qəbul oluna bilərlər. Əgər uşaqın yaşı 8-dən yuxarıdırsa, o halda uzunmüddət təhsildən kənarda qalan şəxslər üzrə fərdi təhsil üzrə I sinfə qəbul edilir, - o bildirib.